Úrslitini frá PISA 2025 vísa eina blandaða mynd. Føroysku næmingarnir standa seg væl í náttúruvísindum og halda støðið í støddfrøði, men úrslitið í lesing er versnað.

Føroyskir næmingar fóru 19 stig aftur í lesing samanborið við 2022. Sostatt eru 42 prosent av okkara næmingum undir markinum fyri virkisført lesiføri.

Á tíðindafundi í Námi týsdagin 8. septembur bar Eyðun Gaard, stjóri í Námi, fram røðu um støðuna:

– Hetta mugu vit taka í fullum álvara og fáa lesiførleikan rætta vegin, sigur Eyðun Gaard.

Komandi árini fer Nám at leggja enn størri dent á lesing, menna nýtt undirvísingartilfar og styrkja fakliga førleikan. Samstundis er neyðugt at kanna nærri, hví lesiførleikin hjá føroyskum næmingum er viknaður.

Sambært stjóranum í Námi skulu vit ikki gita, men vita. 

Les røðuna í fullum líki her →