Skip to main content

670 næmingar til PISA-kanning

06.04.2022

Seinasta mánaðin hava 670 næmingar í níggjunda flokki verið til PISA-kanning.

PISA-kanningarnar hava verið um alt landið. Fyrsta kanningin var í bygdarhúsinum í Leirvík 8. mars og seinasta kanningin var 5. apríl  í Meginskúlanum á Sandi.

Høvuðsøkið í ár var støddfrøði, og serevnið var skapandi hugsan. Harumframt skuldu næmingarnir svara spurningum um sítt bakstøði, t.d. familjustøðu og hugburð til skúlagongd.

PISA er ein OECD-verklætlan og er ein stytting av Programme for International Student Assessment, á føroyskum Verkætlan fyri altjóða næmingakanning.

PISA miðar eftir at máta, hvussu væl 15 ára gomul eru fyrireikað at møta framtíðar avbjóðingum, og duga at nýta førleikar sínar í veruliga lívinum. Dentur verður lagdur á altjóða førleikar og í minni mun vitan ella kunnleika úr heimligum umhvørvi.

Í kanningini loysa næmingarnir uppgávur, ið líkjast uppgávum úr gerandisdegnum. Uppgávan kann vera ymiskt gerandisligt so sum at lesa leiðbeining ella finna skjótastu leið á korti. Spurningar eru eisini um gerandisdagin, familju og skúlagongd.

OECD ásetir saman við luttakaralondunum treytir og karmar fyri kanningini. Hetta ger tað møguligt at gera samanbering millum lond, og yvir tíð.

PISA-kanning verður aftur í 2025.

Onnur tíðindi

20.04.2022

Próvstovan/Nám leitar eftir 4 lesandi í…

Les meira
06.04.2022

Seinasta mánaðin hava 670 næmingar í níggjunda…

Les meira
18.02.2022

Í tíðarskeiðnum 7. mars til 1. mai fara 9. floks…

Les meira
24.01.2022

Skrivstovulærlingur til Nám/Próvstovuna. Nám søkir…

Les meira
15.12.2021

Hanna Ziskason Hansen er sett í starv sum…

Les meira
19.11.2021

Søkt verður eftir dugnaligum, ágrýtnum og…

Les meira
09.11.2021

Starvsfólk til dagligt rakstrar- og…

Les meira
31.08.2021

Nýggjar heimasíður hjá Námi og Próvstovuni eru…

Les meira
22.03.2021

Nám sóknast eftir dugnaligum og ágrýtnum kt-fólki…

Les meira
03.06.2019

Nám sóknast eftir dugnaligum og ágrýtnum kt-fólki…

Les meira