Seks spurningar um at vera menniskja
Á opna undirvísingarportalinum Snar eru arbeiðsuppgávur gjørdar til 9. flokk í føroyskum til allar teir seks partarnar í ”Seks spurningar um at vera menniskja”, sum Búi Egason og Dánjal á Neystabø gjørdu lidnar í fjør.
Við støði í hvørjum filmi, sum varir 20 minuttir, eru gjørdar uppgávur, sum hóast ætlaðar móðurmálsfakinum, eisini nema við miðlar og heimspeki. Hvør undirvísinargongdin varir 45 minuttir.
Í læraravegleiðingini til filmarnar ”Seks spurningar um at vera menniskja” verður sagt, at eftir hvønn av teim seks pørtunum verður tikið saman um, hvat vit hava lært um tekst sum hugtak, og serliga um tekstir, sum eru settir saman, og tá skapa ein nýggjan sínámillum samleika, ella intertekstualitet. Í øllum seks pørtunum eru nógvar sipingar til kendar filmar og persónar.
