Próvstovan/Nám søknast eftir 4 fólkum til arbeiðið at kota svarini í sambandi við PISA-kanningina, ið júst hevur verið.

Arbeiðið er býtt í tveir bólkar, og tørvur er á tveimum fólkum til hvønn bólkin. Arbeiðið við at kota verður gjørt í samstarvi við Danmarks Statistik.

Kotingartíðarskeiðið fevnir um nakrar dagar í tíðarskeiðnum frá 25. apríl til 17. juni 2022.

Á talvuni niðanfyri framgongur, hvussu arbeitt verður í tíðarskeiðinum. Her sæst, hvørjir dagarnir eru, ið ein fær til at lesa kotingartilfarið, nær upplæringin í at kota er, og í hvørjum tíðarskeiðið kotað verður.

Kravið til lestrarstørvini er, at ein lesur hægri lestur og er vanur at hugsa abstrakt. Um ein skal kota økini ”Mat og Science”, er tað ein fyrimunur, at einum dámar tøl.

Bólkur 1 (Grønur) er tann bólkurin av kotarum sum byrjar fyrst. Og sum síðan kann kota “Mat.”, “Science”, og “Financiel Litteracy”.

Bólkur 2 (gulur) er hin bólkurin, sum fyrst kotar “Reading” og síðan “Creative Thinking”.

Tímaløn verður veitt sambært sáttmálanum hjá Føroya Arbeiðarafelag, og er í løtuni 135,56 + feriuløn 12% um tíman.

Vilt tú vita meir um lestrarstarvið kanst tú seta teg í samband við Moniku Klingsbjerg-Besrechel frá Danmarks Statistik, teldupostadressan er:  MOM@(if you can see this please update your browser)dst.dk

Áhugaði verða biðin um at senda eina umsókn til lestrarstarvið í seinasta lagi 22. apríl 2022 til Próvstovuna, teldupostadressuna: provstovan@(if you can see this please update your browser)provstovan.fo ella asa@(if you can see this please update your browser)provstovan.fo