Kunning og leiðreglur í samband við royndir og próvtøkur í Wiseflow

Skúlaleiðarin skal tryggja, at umsjón er í royndarhølinum, har royndarhaldið verður hildið. Skúlin hevur somuleiðis ábyrgd av at eftirkanna, at allar teldur virka, sum tær skulu.

Allir næmingar, sum er meldaðir til sjúkraroyndina í 9. og 10. flokki, hava atgongd til Wiseflow. Tó er ikki møguligt at gera royndirnar fyrr enn eftir ásettu tíðarkørmunum. Fyri at tryggja sær at royndarhaldið eydnast væl, er best, um allir næmingar hava roynt at rita inn á Wiseflow við office brúkaranavni og loyniorði í góðari tíð áðrenn royndarhaldið.

Leiðreglur:

· Internetið er opið til royndarhaldið, og allir hjálpimiðlar eru loyvdir. Hetta merkir, at næmingurin kann reika frítt á internetinum og kann hava lærubøkur, uppgávur og annað tilfar við til royndarhaldið.

· Næmingurin hevur loyvi til at samskifta við umsjónarfólkini/vaktirnar í royndarhølinum. Alt annað samskifti er ikki loyvt.

· Næmingurin hevur ikki loyvi til at brúka lummaroknara í fimisrokning 9. flokki. Tað er ikki loyvt at brúka lummaroknara á telduni/netinum. Heldur ikki er loyvt at nýta avritingarforrit t.d. (Photomath) til loysn av uppgávum í støddfrøði.

· Framsetingin verður skrivað í eini tekstviðgerð á skjal við høvdi, sum vísir, hvør næmingurin er. Skriviforrit kann t.d. vera Microsoft Word ella LibreOffice,

· Framsetingin verður goymd sum pdf-skjal, og send viðfest í Wiseflow

· Øll uppgávuavrikini vera latin inn á svar.fo

· Mælt verður til, at næmingar og lærarar brúkar dagførdan “Mozilla Firefox” sum browsara til Wiseflow

Gevið gætur Næmingur við skerdum virkisførleika fær 1/3 afturat ásettu tíðini.

Til allar próvtøkur verður næmingalisti við viðmerkingum fyltur út og sendur Próvstovuni á provstovan@provstovan.fo

Næmingar annars lata inn avrikið aftaná ásettu royndartíðina.

Hesar vegleiðingar liggja á heimsíðini provstovan.fo:

· Vegleiðing til royndarhald í Wiseflow

· Hvussu goymir næmingur framseting sum pdf-skjal, og viðfestir skjalið í svar.fo

· Hvussu rættar ein lærari eitt næmingaavrik í Wiseflow

Frumrit til framseting og greiðslurokning eru at finna á provstovan.fo