Landsroyndarfrágreiðing 2021
Tíðindaskriv um landsroyndarfrágreiðingina
Í døgunum 27. – 29. apríl vóru allir næmingar í 4. og 6. flokki til landsroynd. Lærugreinarnar, sum eru partar av royndini, eru føroyskt, støddfrøði og náttúru og tøkni.
10. juni varð frágreiðingin send skúlunum og løgd á heimasíðuna hjá Próvstovuni. Í frágreiðingini eru miðalúrslitini viðgjørd, og ymsir myndlar verða vístir. Eins og frágreiðingin, sum kom út í november í fjør, verður í hesari gjørt nakað burtur úr viðgerðini av úrslitunum.
Í niðurstøðuni verður greitt frá tí arbeiði, sum verður gjørt framyvir. Sum nevnt varð í november, heldur arbeiðið at menna uppgávurnar fram, hetta verður gjørt saman við uppgávunevndunum.
Landsroyndarfrágreiðingin, saman við hagtølum, ið verða send skúlunum, eru amboð, ið skúlar brúka sum eftirmetingaramboð.
Landsroyndarfrágreiðingarnar kunnu takast niður her
Summarfrí |
Avgreiðslan í Próvstovuni er stongd frá mánadegi 5. juli til fríggjadag 30. juli
Hava tit átrokandi boð til Próvstovuna, kunnu tit senda teldupost til provstovan@provstovan.fo ella ringa á tlf. 555027 |
Próvstovan er stovnur undir Mentamálaráðnum, sum tekur sær av øllum próvtøkuhaldi, sum ráðið hevur endaligu ábyrgdina av. Tað er próvtøkuhald í fólkaskúlanum, á miðnámi, maritimu skúlunum, yrkisútbúgvingunum og kvøldskúlunum.